و دى بطاطس مسلوقة و مهروسة و عليها زبادى و زبدة و بيضة و جبنة رومى و شيدر مبشورة و ملح و فلفل و اجيب طبق بايركس و ادهنه
زبدة و ارشه بالبقسماط و احط فيه طبقة من البطاطس و افرد عليها طبقة لحمة معصجة و طبقة تانية بطاطس و ارش على الوش بقسماط و
زبدة و جبنة مبشورة و ادخله الفرن لحد ما يحمر وشه
مكرونة بالبشاميل :و دى نسيت اصورها بس باينة على السفرة
ودى رز بسماتى بعملة بشوربة و احمر عيش شامى مقطع كارو فى زيت و احمر صدور فراخ مقطعة رفيع فى زبدة و معاها بصل شرائح و فلفل رومى شرائح و توم مفروم و ملح و فلفل و زعتر و معلقة زبادى و معلقة مايونيز و اقلبهم لحد ما تستوى الفراخ و اغرف الرز و فوقه العيش و فوقهم الفراخ و اغطيهم بصوص من الزبادى و المايونيز و التوم و الملح و الفلفل و الزعتر
فتة موز ضانى :
و دى موز ضانى بسلقها مع حبهان و مستكة و ورق لورا ملح و فلفل اسود و بصل و بعدين اصفيها من الشوربة و احمرها فى زبدة و توم و
اطفيها بالخل و اشيلها على جنب سخنة و اكون مقطعة عيش بلدى و مقلباه مع توم و ملح و فلفل و بهارات و سمنة او زبدة و ادخلهم الفرن
يتحمروا و احطهم فى طبق التقديم و اعمل توم محمر فى سمنة و اطفيه بالخل و احط منه حبة على شوربة الموز و اسقى بيها العيش و
اعمل رز ابيض عادى بس احط معاه فى الشوربة بتاعتة معلقة توم نى و افرش طبقة رز على العيش و ارص فوقة الموز المحمرة و اعمل صلصة
بالخل و عصير الطماطم و اسبكهم و اصبها على وش الفتة و الموز .
مسقعة الخل و التوم :
باقلى البتنجان و الفلفل الرومى و ارصهم فى صينية فرن و اعمل صلصة بالخل و التوم و اسيبهم يتسبكوا و اضيفهم على البتنجان و ازود ميه
و ادخلهم الفرن .
لحمة بعصير العنب :و دى انا وصفتها قبل كده
لحمة فيليه بالمشروم :
لحمة فيليه احمرها فى زبدة من الوشين و اتبلها بملح و فلفل و اضيف ليها ميه لحد ما تستوى و اضيف ليها المشروم و اقلبه معاهم و
اسيبه يغلى غلوتين و اضيف كريمة طبخ جهينة و 1 معلقة صغيرة دقيق و يغلى غلوة لحد ما يتخن شوية و اغرفه
كفتة : و دى واحدة من المعزومين هى اللى جابتها معاها و حتبان على السفرة
رول لحمة مفرومة بالخضار [ ميت لوف ] :
دى لحمة مفرومة ناعمة مخلوطة ببصل مبشور و معصور و بيضة و ملح و فلفل و بهارات و سمنة و بقسماط و نفردها على ورقة فويل و نفرد عليها خضار مسلوق و لحمة معصجة و نلف اللحمة عليها زى السويسرول و نقفلها بالفويل و ندخلهاالفرن لحد ما تستوى و نيسبها تبرد تماما علشان نعرف نقطعها
الفراخ البانيه :و دى معمولة علشان الاولاد
الشوربة :
شوربة الطماطم بحمر بصلة مقطعة كارو فى زبدة و انزل عليها طماطم كارو و اقلبه لحد ما تدبل الطماطم و عليها ملح و فلفل و معلقة دقيق
و اقلبهم شويه و اضيف لهم شوربة و اسيبها تغلى لحد ما الطماطم تتهرى خالص و اضربها فى الخلاط و اضيف عليها نص كوباية كريمة
شوربة الشعرية :دى وصفتها قبل كده
شوربة كريمة :و دى كمان وصفتها قبل كده
بط روستو و ورق عنب :
و البط ده انا بتبله بملح و فلفل و عصير بصل و توم مفروم و بهارات و جنزبيل و عصير ليمون و اسيبهم طول الليل فى التلاجة و الصبح احطه
فى صسنية فرن و معاه كوباية ميه و اغطيهم بالفويل و اسيبهم لحد ما بستوى و اشيل الفويل و اسيبهم يتحمروا و كان عندى شوية ورق
عنب فى الفريزر عملتهم و رصيتهم جنب البط
نيجى بقى للحلو يا حلوين :
كنافة بالجبنة الريكوتا :
للمزيد من الوصفات زورونا في موقع
ردحذفsamira tv